Monnu kalalli Vatho Kerathae/Challathae (Emotional Intelligence)

Om Sri Krishnaya Namaha.

Aura pillan, thelivum thenanaen ana, englishumkin, tamilum chevdoriyo haldi mai bhasa konni nhi meni thengo thenu enchaludaras. Ellamaam Zukku Chevdiyathunu melli, isani sey. Mohda, Mohda Degree khadi priyojanam nhinatho sey, jodinjaras ana monnu kestam kelludaras.

Ella haaldi, sila visayamnu, jukku chevdi, jukku jodinchi, mhi mohda menik meni mellario thenu englishum kai kiso meni kallalario visayamnu ami aura jadum sangaras. Thisani sangario haldi,  aura mai, bhavunugu sodi ami zukku dhuthur honatho, Aura samugam mengyan sengadi rhi, thengo sodi dhuthurgan honatho, lovutho raatho maari onda palamgan ella pathivun amanjuno. Isani amanjatho thella DevJol PoimPollaras.

Ami hindo sanjaario topic aviginu, "Emotional Intelligence".

Intelligence menathi, ivarkallali thelivugan kam kerathae.

"Monnu kestam nhinatho Ivarkallalathae" menario mhoda visayam, thellago thani padiv pajae. Mhottan sila ivarnnu pillanukku kaladathalelam pada avathi pottario.

Ivarkalaiyathese, theliv podai, theliv podathese kam chokat sombugan kerai. Morarengu sombugan kam kerariyo thavira ella bhulogum thusura kai pajae.

Sari, ami hindo sanahoriyo topic sodi, jugudoor jedaras, avo aura topickum jiyangon.

Thelivunumu, ami kalluno horio thelivun, isani sanguvai.

1. Aura Aangu theliv - Physical.

2. Aura monnu theliv - Emotional.

3. Ami Thusurathengo Sengaadi Pholgario theliv - Social.

4. Ami Poldam jhi chevdi kellario theliv - Intellectual.

5. Ami askithengo sechamaangan, kongi monnu kestam thenatho raatha theliv - Ethical/Moral.

"Emotional Intelligence" Konni nha. Monnu kalalli vatho kerathae menario, Monnu kallali chalario menarios, ana Monnu bhargan rahthalu, ellae jukku kestam hoiyario.

Ella Monnu bhar kago horio, onda ker menat aura haldi thella kerario nhi, kagho. Aura haaldi sila visyam laeskan Khago kallalatho musario nhi.

Ami our Bhulog Avigun aungo chuttu phinno melario haldi avario kestam. Ami askithenu avungo purijalluno, ana ami thusura thengo purijallunaan menario haaldi horio visayam.

Mhonnu Bhar nhinathengaJol, thella visyam paathi ami vaatho kerathol, angun bhaar hoi. Ami thengo thenuskon avigin kai kennogi thella chokkatkan keratholu, mhotagan sanguno. Bhaar laes hoi.

Ami thenu kolla kolla visyamnu Monnu Bhar kellarashki thellae ami kaladi thovuluno. Thellae ami gounji sano, thella bhaar goundarengu gounji sano, chokkatyo ondaee sanguno, najayo sanagphana, sangaphana. Thellamam mengiyan vaen sethavel, bharadu mengiyan sethavel jukku seegin vatho kenno, challuno.

Mhonnu bhaar askii Huthurnaathikam ondaes thella paathi vatho kerai, theval melli vatho kennathae rahthae, thella mena kai meni kalani menathae chokkat. Thenu chokkat saandhinja visayam sangilae rahano thellae thengo thembu thei.

Khallo setha sila visyam likki thovuli keruvai

1. Mhonnu kestam horiyo visyamunu naav thovathae keruvai, theval avungo haudan chokkat rhai.

2. Mhonnu kestam horiyo visyamunu paatti gounchi seegin, thenu sathijayo thovi thembu dhevai.

3. Mhonnu kestam horiyo visyamunu paatti sangunatho raathae, keruvai.

4. Mhonnu kestam horiyo visyamunu paatti thusura thengaJol thella haaldi avario visyam sanguvai, thella thovi thella visayam paathi laeskan houdan keruvai. Theval melli thenu thella visayamuguchi kera chokkatyo sanguvai.

5. Mhonnu kestam horiyo visyam, thusura thenu kaithi sangethimelli, chokkatkan khallatho sanguvai.

5. Mhonnu Thembu keratho, thenu kerayo chokkat visayam sanguvai.

6. Mhonnu Thembu keratho, thenu santhijayo visayam sanguvai.

7. Mhonnu Thembu keratho, thenga oppaya visayam sanguvai.

Chokat visyam sangathol melli see sanguno, thenu go menario meni mellario mari sangahona. Thengo pillo saon nadathohona. Tumi chokkat onda poruphoya menikan rhi, thengo melli poruphoya menikan macchuno.